Göyçay rayonu Çərəkə kənd sakinləri tərəfindən ölkə rəhbərliyinə müraciət ünvanlanıb. Bir nüsxəsi də diaaz.space-ya daxil olan müraciətdə deyilir:
 
 "Bu şikayətimizdə yazıb bildirirk ki, Göyçay rayonunda bir qrup vəzifəli şəxslər əlbir olub vəzifə səlahiyyətlərindən sui-istifadə edib qanunsuzluqla məşğul olurlar ki, nəticədə də çoxlu sayda vətəndaşlar əziyyət çəkirlər.
 
    İlk olaraq Prezident cənab İlham Əliyevə minnətdarlığmızı bildiririk ki, Çərəkə kəndinin asfalt örtüyünün tikintisi üçün dövlət büdcəsindən pul ayrılmasına dair 25 dekabr 2023-cü il tarixdə sərəncam imzaladı.Ancaq çox təssüf olsun ki, Göyçayda bir qrup vəzifəli şəxslər Çərəkə kəndinə çəkiləcək asfalt yolun layihəsini öz maraqlarına uyğun olaraq dəyişərək qanusnuzluğa yol veriblər.Çərəkə kəndinə çəkiləcək yolun ilkin layihəsində əsas (ana yol) yol kimi bu ərizəni imza edən vətəndaşların yaşadığı ərazidən keçməsi nəzərdə tutulsada sonradan vəzifəli şəxslər saxtakarlıq edib lahiyəni dəyişib işlək olmayan ara yola asfalt çəkilməsinə dair ikinci lahiyəni həyata keçirmək istəyirlər.Vəzifəli şəxslər bu qanunsuzluğu ona görə ediblər ki, 1-ci lahiyədə göstərilən əsas yolun üzərində 2 körpü var.Həmin körpülərin tikintisi həyata keçiriləcəyi təqdirdə vəzifəli şəxslərə pul qalmayacağına görə lahiyəni qanunsuz olaraq dəyişdiriblər.Hansı ki, 1-ci lahiyədə nəzərdə tutulan yolun üzərində kəndin 3 qəbristanlığı. 1 məktəbi, 1 məscidi var həmçinin avtobus marşurutu bu yoldan keçir. Sakinlər həmin yoldan daima çox istifadə edirlər.
 
     Qanunu layihədə göstərilən əsas yolun keçdiyi ərazidə çoxlu sayda evlər var, kəndin əsas marşurut avtobusları, avtomobilləri və həmçinin qonşu Çərəcə kənd sakinləri həmin yoldan istifadə edirlər.Əsas yolun tikintisi üçün tərtib edilmiş ilkin lahiyəni ləğv edib az sayda sakinin istifadə etdiyi ara küçənin yolunun tikintisinə dair lahiyə hazırlanması vəzifə cinayəti hesab olunur ki, bunu Göyçayda vəzifəli şəxslər əlbir olaraq ediblər.Hansı ki, qanunsuz hazırlanmış 2-ci lahiyədə nəzərdə tutulmuş küçənin yolunun tikintisi bələdiyyə büdcəsi vəsaiti hesabına təmir edilməlidr.
 
     Biz Göyçay Rayon İcra Hakimiyyəti başçısı Natiq Ağayevin qəbulunda olub bu barədə şikayətimizi ona çatdırsaqda heç bir tədbir görmədi. Bundan sonra bizə məlum oldu ki, bu qanunsuzluqdan Natiq Ağayevin bilavasitə məlumatı var. Həttda biz sakinlər belə bir təkliflə çıxış etdik ki, 1-ci lahiyə həyata keçiriləndə çıxarılan asfalt qalıqları 2-ci lahiyə olan küçəyə tökülərək yol təmir edilsin.
   
     Biz Çərəkə kənd sakinləri prezidentin uğurlu siyasətini bəyənirik və həmişə dəstəkləyirik. Ancaq yerlərdə bəzi neqativ ünsürlər yarıtmaz korrupsiya əməlləri ilə prezidentin mütərəqqi fəaliyyətinin üzərinə kölgə salmağa çalışırlar.Çərəkə kəndinin əsas yolunun tikintisi üçün pul ayrılmasına dair sərəncamdan sonra biz sakinlərə bildirdi ki, layihəyə əsasən sizin yaşadığınız ərazinin yoluna asfalt çəkiləcək, çünki əsas yol kimi bura nəzərdə tutulub.Ancaq sonradan nə baş verdisə həmin lahiyəni qanunsuz olaraq ləğv edib öz arşınalırına uyğun qanunsuz lahiyə tərtib etdilər. 
 
    Göyçayda məlum vəzifəli şəxslər Prezident cənab İlham Əliyevin sərəncamına əsasən Çərəkə kəndinin yol tikintisi üçün ayrılmış vəsaitin düzgün xərclənməsinə əngəl yaradıblar.Bu isə korrupsiya əməlidir ki, araşdırlmasına zərurət var.
 
     Mətbuat vasitəsi ilə Prezident cənab İlham Əliyevdən və Mehriban xanım Əliyevadan xahiş edirik şikayət ərizəmiz bizim iştirakımızla yerində araşdırılsın qanunsuzluğa yol verib dövlət vəsaitini təyinatı üzrə xərcləmədən, yol tikintisində qanunsuzluğa, saxtakarlğa yol vermiş vəzifəli şəxslərin  barəsidnə qanunu tədbirlər görəsiniz və bizim yaşadığımız əsas yolun asfalt örtüyü ilə təmin edilməsinə tapşırıq verəsiniz".