
Bakıda sakinlər piyada keçidlərinin zəbt olunmasından gileylənirlər. "DİA-AZ" xəbər verir ki, bu barədə narazılıq edən paytaxt sakinləri AYNA rəhbərliyinə müraciət edərək parkinq xaosunun qarşısının alınmasını tələb edirlər.
Konkret olaraq Bakının Təbriz və Fəxrəddin Əsədov küçələrinin kəsişməsindəki ərazinin zəbt olunması sakinləri narahat edir.
Bu barədə onlar yazır: "Avtomobillər elə park edilir ki, piyadalar (həmçinin məktəblilər) əsas yola çıxmalı olurlar.
Fotolar bu gün (09.05.2025) çəkilib, amma belə vəziyyət çox vaxt müşahidə edilir.
AYNA rəhbərliyi yersiz parkin cərimələri yazmaqdansa, hər yeri velosiped yoluna döndərməkdənsə, piyadaları da nəzərə alsın..."

