Tramp üçün bu ölkəyə “McDonald's” maşını gətirdilər
Bu gün, 11:58
Səudiyyə Ərəbistanı ABŞ Prezidenti Donald Trampın yanvarda andiçmə mərasimindən sonra ölkəyə ilk səfəri üçün “McDonald's” mobil yük maşını gətirilib.
“Cebheinfo.az” bu barədə “Fox News Digital”-a istinadən xəbər verir.
Ağ Ev sözçüsü Trampın səfəri zamanı “McDonald's” yemək maşınının krallığın paytaxtı Ər-Riyadda olduğunu təsdiqləyib. Yük maşınının görüntüləri və videoları sosial şəbəkələrdə sürətlə yayılıb.
Trampın “McDonalds”-a sevgisi çoxdan məlumdur. 2019-cu ildə Prezident Ağ Evdə milli çempion Klemson Tigersi qəbul edərkən onlara fast-food bufeti təqdim edib. Kürəkəni Jared Kushnerin sözlərinə görə, o, COVID-19 diaqnozu qoyulduqdan və 2020-ci ildə sağaldıqdan sonra “McDonald's”-a tez-tez müraciət edir. Keçmiş cangüdəninin dediyinə görə, Tramp 2016-cı il seçki kampaniyası zamanı səhər yeməyi üçün Makmuffinsə üstünlük verib.
Trampın “fast-food” şəbəkəsinə olan sevgisi 2024-cü il prezidentlik kampaniyası zamanı “McDonald's” önlüyü taxaraq Pensilvaniyadakı bir restoranda işləyərkən daha çox üzə çıxıb.
Geri qayıt