“İran-Azərbaycan quru sərhəddi açıla bilər”
21-04-2025, 17:50
“Azərbaycan iranlılara uzunmüddətli viza vermir”.
Tribunainfo.az xəbər verir ki, bu şikayətçi fikirlərlə İran-Azərbaycan Birgə Ticarət Palatasının sədr müavini Mehran Fekri çıxış edib.
O bildirib ki, İran prezidenti Məsud Pezeşkianın Bakıya səfərindən çox şey gözləyirlər. – “Pezeşkianın Bakıya səfərindən sonra ümid edirik ki, Astara və Biləsavar sərhədləri yenidən sərnişinlərin qurudan keçidi üçün açılacaq”.
Onun sözlərinə görə, hazırda əsas məsələlərdən biri də İran yüklərinin Azərbaycan üzərindən daşınması və sərhəddəki yubanmaları minimuma endirilməsidir. “İran yüklərinin keçidini asanlaşdırmaq üçün İran və Azərbaycan hökumətlərinin danışıqlar aparması və tərəflər arasında mübadilə güzəştlərinin olması zəruridir”.
Geri qayıt