"Hikmət və Ziya kimi Cavidan da teatrdan qovulmalıdır"
Bu gün, 12:06
Xalq artisti Əli Nur aktyor Cavidan Novruzun teatrdan qovulmasını tələb edib.
Musavat.com xəbər verir ki, o, C. Novruzun ünvanına qalmaqallı sözlər deyib.
Əli Nur “Künc-bucaq” layihəsində qeyd edib ki, Cavidanın teatrdan uzaqlaşdırılması üçün Mədəniyyət Nazirliyinə müraciət edəcək:
"Cavidan, teatra gələn gənc intriqaçı aktyorlar qovulub. Sən dünənki uşaq oturub teatrı tənqid edirsən? Mənim oğlum gedib şəhid oldu, sən isə gizləndin. Hikmət Rəhimov deyir, bu teatrı saymıram. Onu şişirtmişdilər, baş rol verirdilər. Ziya Ağa, Hikmət Rəhimov, Cavidan virusdur. Mədəniyyət nazirinin qarşısına məsələni qoyacam, o, taetrdan getməlidir. Hazırda əlimdə yeni rolun məşqi var. Bitsin, nazirliyə gedəcəm. Bu viruslar haradan gəlib teatra düşüblər? Sənin kimi iki virus var idi (Hikmət Rəhimov və Ziya Ağa - red.), qovulmalı idi, amma ərizəsi ilə çıxdı. Atan teatrda aktyorların çoxu ilə düşmən idi. Utanmırsan, atanın çalışdığı yeri təhqir edirsən? Cavidan Novruz, sən teatrdan getməlisən".
Geri qayıt